Jahaan Baani Ataa Kar De Bhari Jannat Hibah Kar De

Jahaan Baani Ataa Kar De Bhari Jannat Hibah Kar De

Nabi Mukhtaar-e-Kul Hai Jis Ko Jo Chaahe Ataa Kar De

Jahaan Mai UNKI Chalti Hai Woh Dum Mai Kya Se Kya Kar De

Zamee Ko Aasmaa Kar De Suraiyya Ko Saraa Kar De

Fizaa Mai Urne Waale Yoo Nah Itraaye Nidaa Kar De

Woh Jab Chaahe Jise Chaahe Oose Farmaa Rawaa Kar De

Meri Mushkil Ko Yoo Aasaan Mere Mushkil Kushaa Kar De

Har Ik Mauje Balaa Ko Mere Maula Naa Khuda Kar De

Ataa Ho Bekhudi Mujh Ko Khudi Meri Hawaa Kar De

Mujhe Yoo Apni Ulfat Mai Mere Maula Fanaa Kar De

Jahaan Mai Aam Paighaam-e-Shahe Ahmad Raza Kar De

Palat Kar Peechhe Dekhe Phir Se Tajdeed-e-Wafaa Kar De

Nabi Se Jo Ho Begaanaa Oose Dil Se Judaa Kar De

Pidar Maadar Biraadar Maal-o-Jaa Oon Par Fidaa Kar De

Munawwar Meri Aankhon Ko Mere Shamsud Duhaa Kar De

Ghamon Ki Dhoop Mai Woh Saaya-e-Zulfe Dotaa Kar De

Kisi Ko Woh Hasaate Hai Kisi Ko Woh Rulaate Hai

Woh Yoo Hi Aazmaate Hai Woh Ab Tau Faislah Kar De

Gule Taybah Mai Mil Jaaoo Gulo Mai Mil Ke Khil Jaaoo

Hayaate Jaawidaani Se Mujhe Yoo Aashnaa Kar De

Oonhe Manzoor Hai Jab Tak Yeh Daur-e-Aazmaaish Hai

Nah Chaahe Tau Abhi Woh Khatm Daur-e-Ibtilaa Kar De

Sage Aawaara-e-Sehraa Se Uktaa Si Gayi Duniya

Bachaao Ab Zamaane Ka Sagaan-e-Mustafa Kar De

Mujhe Kya Fikr Ho Akhter Mere Yaawar Hai Woh Yaawar

Balaao Ko Jo Meri Khud Giraftaar-e-Balaa Kar De