Kuch Aisa Kar de Mere Kirdgaar Aankho me

Kuch Aisa Kar de Mere Kirdgaar Aankho me
Hamesha Naqsh Rahe Roo-e-Yaar Aankho me

Tumhaare Qadmo pe moti nisaar hone ko
Hain be shumaar meri Ashkbaar Aankho me

Unhe na dekha to kis kaam ki ye Aankhe
Ke Dekhne ki he saari Bahaar Ankho me

Nazar me Kaise sama-e-phool Jannat ke
Ke bus chuke he Madine ki Khaar Aankho me

Ajab nahi ke likha Lauh ka Nazar Aaye
Jo Naqshe Paa ka laga’o Ghubaar Aankho me

Khule hain deeda-e-Ushaaq Khwaabe marg me bhi
Ke Us Nigaar ka he intizaar Aankho me

Wo Subz Subz Nazar Aa raha he Ghumbad-e-Subz
Qaraar Aa gaya yoo be Qaraar Aankho me

Wahee mujhe Nazar aaye Jidhar Nigah Karoo
Unhi Ka Jalwa rahe Aash kaar Aankho me

Ye Dil Tarap Ke Kahee Aankho me Na Aaj’aa’o
Ke Phir Rahaa he kissi ka Mazaar Aankho me

Karam ye mujh pe kiya he mere tassawur ne
Ke Aaj khinch di Tasweer-e-Yaar Aankho me

Farishto Poochte ho mujh se ke kis ki Ummat ho
Lo Dekh lo ye he tasweer-e-Yaar Aankho me

Ye Kya sawaal he mujh se ke kis ka banda he
Me jis ka banda hoo he Noor Baar Aankho me

Piyaa he Jaam-e-Muhabbat jo Aap ne NOORI
Hamesha Us ka rahega Khumaar Aankho me