Unki Mahak Ne Dil Ke Ghunche Khilaa Diye Hai
Jis Raah Chal Diye Hai Kooche Basaa Diye Hai
Jab Aagayee Hai Joshe Rahamath Pe Unki Aankhe
Jalte Bujha Diye Hai Rothe Hasaa Diye Hai
Ik Dil Hamaara Kya Hai Aazaar Us Ka Kitna
Tum Ne To Chalte Phirte Murde Jilaa Diye Hai
Un Ke Nisaar Koyi Kaise Hi Ranj Me Ho
Jab Yaad Aagaye Hai Sab Ghum Bulaa Diye Hai
Hum Se Faqeer Bhi Ab Pheri Ko Uth-The Hoge
Ab To Ghani Ke Dar Par Bistar Jamaa Diye Hai
Aane Do Ya Dubo Do Ab To Tumhaari Jaanib
Kashthi Tumhi Pe Chodi Langar Utha Diye Hai
Allah Kya Jahannam Ab Bhi Na Sard Hoga
Ro Ro Ke Mustafa (salallahu alahiwasalam) Ne Darya Baha Diye Hai
Mere Kareem Se Gar Qatra Kisi Ne Maanga
Daryaa Bahaa Diye Hai Dur Be Bahaa Diye Hai
Mulke Sukhan Ki Shaahi Tum Ko Raza Musallam
Jis Simth Aagaye Ho Sikke Bith-Aa Diye Hai
Subscribe to:
Post Comments (Atom)
0 comments:
Post a Comment