Manqabat on Aala Hazrat Imam Ahmed Raza khan RadiaAllahu anhu

Madad ka waqt hai aie Hazrate Ahmad Raza utho,
Garibon ko sahara do mareezon ki dawa utho..
Rasoole Paak (Sallallahu alaihiwasalam) ki izzat pe tum to ho liye qurba,
hume qurbaan ho jana sikha do aie Raza utho..
Qayamat humpe hogi tum agar bhule qayamat me,
hamari bhi khabar rakhna jo tum roze jaza utho..
tumhare dar pe aaye hai bhikari bhik lene ko,
tum unki jholiyan bhar do bhala kar do Raza utho..
qayamat hogi jab hogi zamana ab ye kehta hai,
kafan sarkao bahaar aao meshar hai bpa utho..
hamari bad naseebi thi ki tum hi uth gaye sar se,
hume saaye me ab lelo tum aie zille huma utho..
tumhare dekhne ko dil tadapta hai qayamat hai,
jhalak apni dikha do partave shere khuda utho..
koi dum me ab aata hai sada ye kabre anwar se,
idhar aao, badho HASNAIN lo apna sila utho....

Manqabat by Hakimul Islam Hazrat Hasnain Raza khan Qadri Noori RadiaAllahu anhu Khalifa e Aala Hazrat RadiaAllahu anhu, Shehzada e Ustad e Zaman Hazrat hasan raza khan RadiaAllahu anhu. walid e girami of Huzoor Ameen e Shariat Hazrat Sibtain Raza khan Quadri Noori Hifzullah