Pohnchun agar main Rozaye Anwar k saamne

Pohnchun agar main Rozaye Anwar k saamne….
Sab hale dil bayan karun SARWAR k saamne…

Jaali pakad k arz karun hale dil kabhi….
Aansu baha’un main kabhi mimbar ka saamne…
Jannat ki aarzoo hai na khwahish hai hoor ki…
Tukda mile zameen ka tere dar k saamne…

Hai aarzooye dil k main Hindustaan k chod kar…
Bistar jama’un Rozaye anwar k saamne…

Yun meri maut ho to hayate abad mile….
Khaake Madina sar pe ho Sarwar k saamne…

Niklen jo jaan to dekh k Gumbad Habeeb ka…
Madfan bane to Rauzaye Athar k saamne….

Jaari hai AL’atash ki sada har zabaan par…
Mela laga hai chashmay-e-kausar k saamne….

Hai Quadri Jameel ki ye arz aakhri….
Ho qabr is ki RAUZA-E-ATHAR k saamne…

(Salallahu alaihiwasalam)