VOH YUN TASHREEF LAI HUM GUNAH GARON KAY JHURMUTH MAIN
MASIHA JAISAI AA JATA HAI BIMAARON KAY JHURMUTH MAIN.
MADAD FARMAEYA AAQA PARESHAAN HAAL UMAT KI,
KAY SHORAH AL MADAD BARPA HAI BAICHARON KAY JHURMUTH MAIN.
LARAZ JAATI HAI HAR MOJAI BALA SAI AAJ VOH KASHTI ,
RAHA KARTI THEE JO KHANDA KABHI DHARON KAY JHURMUTH MAIN.
HUSAIN IBNE ALI KI AAJ BHI HUMKO ZAROORAT HAI,
GHIRA HAI AAJ BHI ISLAM KHUKHAARON KAY JHURMUTH MAIN.
NABI KAA AKS-E-RUKH JALWA FIGAN HAI WARNA-E-TEHSEEN
CHAMAK AESI KAHAN SAI AA GAE TARON KAY JHURMUTH MAIN.
0 comments:
Post a Comment