Subha Taiba mein huwi bat-taa he baara noor ka

Subha Taiba mein huwi bat-taa he baara noor ka
Sadqa lene noor ka aaya he taara noor ka

Baagh-e Taiba mein suhaana phool phoola noor ka
Mast bu hai bulbule parti he kalima noor ka

Baarahween ke chaand ka mujraa he sajdah noor ka
Baarah burjon se jhukaa ik ik sitaara noor ka

Aayi bid'at chaayi zulmat rang badlaa noor ka
Maahe sunnat mahr-e tal'at le le badla noor ka

Tere hi maathe rahaa ay jaan sahraa noor ka
Bakht jaaga noor ka chamkaa sitaara noor ka

Mein ghada tu baadshah bhar de piyaala noor ka
Noor din duna tera dedaal sadqa noor ka

Taaj waale dekh kar tera imaama noor ka
Sar jhuka te hain ilaahi bol bala noor ka

Shamma dil mishkaat tan seena zujajah noor ka
Teri surat ke liye aya hai surah noor ka!

Teri nasl-e paak mein he bacha bacha noor ka
Tu he ayn-e-noor tera sab gharaana noor ka!

Chaand jhuk jaata jidhar ungli uthaate mahd mein
Kyaa hi chaltaa thaa ishaaron par khilawna noor ka

Ay Raza ye Ahmed e Noori ka faiz e noor hai
Ho gayi meri ghazal bar kar qasida noor ka!